Bloomberg. «Թեհրանն իրանական նավթը վաճառում է մեծ զեղչերով՝ Ռուսաստանի հետ մրցելու համար»

Loading...

Ամերիկյան Bloomberg գործակալությունը հաղորդում է, որ Իրանի իշխանությունները ստիպված են եղել կտրուկ կերպով նվազեցնել երկրի տարածքում արդյունահանված նավթի գինը՝ չինական շուկայում Ռուսաստանի հետ մրցունակությունը պահպանելոու նպատակով։

Bloomberg-ի տեղեկություններով՝ Ուկրաինայում սկիզբ առած պատերազմից հետո ռուսական նավթի մատակարարումների ծավալները Չինաստան կտրուկ աճել են՝ մայիսին հասնելով ռեկորդային՝ օրական 1 միլիոն 100 հազար բարել ցուցանիշի։

«Չինաստանն այն եզակի շուկաներից է, որտեղ Իրանը դեռ կարող է վաճառել իր նավթը, ուստի Թեհրանը ստիպված էր մեծ զեղչեր սահմանել վառելիքի վրա՝ չինական շուկայի համար գրավիչ մնալու նպատակով», — պնդում է Bloomberg-ը։

Գործակալությունը նաև մանրամասնում է, որ եթե մինչև ռուս-ուկրաինական պատերազմի մեկնարկը չինական շուկայում վաճառվող իրանական նավթի մեկ բարելի գինը շուկայականից 4-ից 5 դոլարով էր էժան, ապա այժմ այդ զեղչի ծավալը հասել է 10 դոլարի։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button