Ճապոնիայում մահափորձ է կատարվել երկրի նախկին վարչապետ Շինզո Աբեի դեմ։ Ըստ լրատվամիջոցների, նախկին վարչապետի փրկվելու շանսերը զրոյական են։
Սա հրազենային բռնության հազվագյուտ օրինակ էր Ճապոնիայում, որն ունի զենքի մասին կոշտ օրենքներ և այս տեսակ հանցագործությունների ցածր մակարդակ:
Կառավարության գլխավոր քարտուղար Հիրոկաձու Մացունոն լրագրողներին ասել է, որ 67-ամյա Աբեի վրա կրակել են երեկ՝ տեղական ժամանակով ժամը 11:30-ի սահմաններում:
Իշխանությունները հայտնել են, որ ձերբակալել են մի տղամարդու, ով կարծես կրակել է Աբեի վրա որսորդական հրացանով:
NHK-ն հաղորդել է, որ Աբեն հոսպիտալացվել է, և որ նրա սիրտը կանգ է առել:
Աբեն քարոզարշավ էր իրականացնում խորհրդարանի վերին պալատի առաջիկա ընտրությունների շրջանակներում, որոնք նախատեսված են հուլիսի 10-ին: Կանխատեսվում է, որ նրա կուսակցությունը վստահորեն հաղթանակ կտանի:
Աբեն զբաղեցրել է Ճապոնիայի վարչապետի պաշտոնը 2012 թվականի դեկտեմբերից մինչև 2020 թվականի սեպտեմբերը: Նա այդ պաշտոնում ամենաերկար մնացած վարչապետն է: