Ադրբեջանն ու Բուլղարիան կխորացնեն համագործակցությունը էներգետիկ և այլ ոլորտներում:
«Այսօր համաշխարհային օրակարգի գլխավոր առաջնահերթություններից է էներգետիկ անվտանգությունը։ Ուրախ եմ, որ մենք համագործակցություն ենք հաստատել Բուլղարիայի հետ էներգետիկայի ոլորտում, և դուք գազ եք ստանում «Հարավային գազային միջանցք» խողովակաշարով», – Բաքվում գտնվող Բուլղարիայի վարչապետ Կիրիլ Պետկովի հետ հանդիպմանը հայտարարել է Իլհամ Ալիևը։
Ադրբեջանի նախագահը հավելել է, որ երկու երկրները կարող են հաջողությամբ համագործակցել նաև Ասիայից Եվրոպա երկաթուղով տարանցիկ փոխադրումների ոլորտում։
Ի պատասխան՝ Պետկովը երախտագիտություն է հայտնել վերջին վեց ամիսներին Բուլղարիային Ադրբեջանի ցուցաբերած աջակցության համար և պատրաստակամություն հայտնել աջակցել Բաքվին Եվրամիության շրջանակում:
