Եվրամիության երկրները համաձայնեցին կամավոր կրճատել գազի սպառման ծավալները։ Ըստ ստորագրված փաստաթղթի՝ օգոստոսից մինչև մարտ ամիսը Եվրամիությունը առնվազն 15 տոկոսով կկրճատի գազի սպառումը։
Եվրամիության հաղորդագրությունում նշված է, որ ձմռան նախաշեմին գազի սպառման կրճատումը նպատակ ունի նախապատրաստվել ռուսական գազամատակարարումների հնարավոր ընդհատումներին, քանի որ Մոսկվան էներգակիրները որպես զենք է օգտագործում։
Հուլիսի 25-ին «Գազպրոմը» հայտարարեց գազատարի վրա ևս մեկ տուրբինի աշխատանքի դադարեցման մասին՝ պատճառաբանելով վերանորոգելու անհրաժեշտությունը։
