Անհրաժեշտ է հրատապ վերադարձնել Ադրբեջանում ապօրինաբար պահվող գերիներին․ Միրզոյանը՝ Չեխիայի Սենատի նախագահին

Անհրաժեշտ է հրատապ վերադարձնել Ադրբեջանում ապօրինաբար պահվող հայ ռազմագերիներին և քաղաքացիական անձանց և կանխել ադրբեջանական վերահսկողության տակ անցած տարածքներում համամարդկային ժառանգության մաս կազմող հայկական հուշարձանների պահպանման և վանդալիզմի շարունակվող դեպքերը, երեկ Չեխիայի Սենատի նախագահ Միլոշ Վիստրչիլի հետ հանդիպման ժամանակ ասել է Հայաստանի արտգործնախարար Արարատ Միրզոյանը։

Գերիների անհապաղ վերադարձի հարցը Միրզոյանը երեկ բարձրացրել է նաև Չեխիայի արտգործնախարար Յան Լիպավսկիի հետ հանդիպման ժամանակ։

Հայաստանի վարչապետ Նիկոլ Փաշինյանը մայիսի 25-ին հայտարարեց, որ հաստատված 39 գերի կա Ադրբեջանում։ Նրանցից մեկը ապրիլի 23-ին Սյունիքի Ներքին Հանդ գյուղի դիրքերից գերեվարված Էդուրադ Մարտիրոսովն էր, որ մայիսի 26-ին վերադարձվեց հայկական կողմին։ ​Իսկ 38 գերիների մեծ մասն արդեն դատապարտվել է տարբեր մեղադրանքներով՝ սահմանն ապօրինի հատելուց մինչև ահաբեկչություն: Հայկական կողմի չհաստատված տվյալներով` Ադրբեջանում պահվում է ևս 80 հայ գերի։ Մինչև այժմ Ադրբեջանից 150 գերի է հայրենադարձվել։

Միրզոյանը ներկայացրել է Հայաստանի կողմից գործադրվող ջանքերը տարածաշրջանում կայունության և անվտանգության հաստատման ուղղությամբ՝ ընդգծելով, որ ուժի կիրառման հետևանքով ստեղծված իրողությունները չեն կարող կայուն հիմք ստեղծել խաղաղության համար։

Հումանիտար խնդիրների համատեքստում չեխական կողմն ընդգծել է, որ միջազգային իրավունքի և Ժնևի կովնեցիաների դրույթները պետք է պահպանվեն։

“24 saat”

Bənzər məqalələr

Leave a Reply

Your email address will not be published. Required fields are marked *

Back to top button