ԵԱՀԿ-ն կշարունակի աջակցությունը Կիևին՝ վստահեցրել են կազմակերպության ղեկավարները

Loading...

Այսօր Կիևում մամուլի համատեղ ասուլիս են տվել ԵԱՀԿ գործող նախագահ, Լեհաստանի արտգործնախարար Զբիգնև Ռաուն, ԵԱՀԿ գլխավոր քարտուղար Հելգա Շմիդտը և Ուկրաինայի արտգործնախարար Դմիտրի Կուլեբան։

ԵԱՀԿ ղեկավարները վստահեցրել են, որ հետագայում ևս կազմակերպությունը կշարունակի աջակցությունը Ուկրաինայի անվտանգությանը։

«Մենք հանձնառու ենք շարունակելու մեր աջակցությունը, մենք պատրաստ ենք նոր ծրագրին, որը գալիք տարիներին կիրականացնի ԵԱՀԿ-ի աջակցությունը Ուկրաինային։ Այդ ծրագիրը կաջակցի Ուկրաինայի պետական ինստիտուտներին, քաղաքացիական հասարակությանն ու քաղաքացիներին», -ասել է Հելգա Շմիդտը։

Ուկրաինայի արտգործնախարարը ողջունել է ԵԱՀԿ-ի ջանքերը փաստաթղթավորելու Ռուսաստանի ռազմական հանցագործությունները։

ԵԱՀԿ գործող նախագահ Զբիգնև Ռաուն ասել է, որ ռուսական զորքերի կատարած ռազմական հանցագործությունները չպետք է մոռացվեն և մեղավորները պետք է պատասխանատվության ենթարկվեն: «Միջազգային հանրությունը պարտավոր է բոլոր ջանքերը գործադրել այդ սարսափելի հանցագործությունների մեղավորներին պատասխանատվության ենթարկելու համար»,- ընդգծել է նա։

“24 saat”

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button