Երևանի մետրոպոլիտենում ռումբ տեղադրելու վերաբերյալ ահազանգը կեղծ է եղել, այսօր մետրոպոլիտենն իր աշխատանքը սկսել է սովորական ժամանակացույցով ՝ ժամը 07.00-ից, հայտնում են մետրոպոլիտենից։
Երեկ երեկոյան Արտակարգ իրավիճակների նախարարություն տեղեկություն էր ստացվել, որ Երևանի քաղաքապետարանում, մետրոպոլիտենի բոլոր 10 կայարաններում, «Զվարթնոց» միջազգային օդանավակայանում, Բաղրամյան 19 հասցեում, ինչպես նաև զինվորական և քաղաքացիական կարևորագույն օբյեկտներում պայթուցիկ սարքեր են տեղադրված։
Տեղազննման աշխատանքներից հետո Արտակարգ իրավիճակների նախարարությունը հայտնեց, որ պայթուցիկ սարքավորումներ չեն հայտնաբերվել։
