Հայաստանի պաշտպանության նախարարությունն ապատեղեկատվություն է որակում Ադրբեջանի հաղորդումը, թե ՀՀ ԶՈւ ստորաբաժանումները նախորդ մի քանի օրերին գնդակոծել են հայ-ադրբեջանական սահմանի մի քանի ուղղությամբ տեղակայված ադրբեջանական դիրքերը:
«Իրադրությունը հայ-ադրբեջանական սահմանին հարաբերականորեն կայուն է, գտնվում է ՀՀ ԶՈՒ լիարժեք վերահսկողության ներքո», – ասված է հայտարարությունում:
Բաքուն հաղորդել է, որ «հայկական զինված ստորաբաժանումները գնդակոծել են ադրբեջանական դիրքերը մասնավորապես Բասարկեչարի շրջանից (Վարդենիսի շրջան) Քելբաջարի (Քարվաճառի) և Լաչինի շրջանի ուղղություններով»։
