«Իրանի և Ադրբեջանի միջև համագործակցությունն ու երկխոսությունը զարգանում են».
Toplum TV-ն IRNA-ին հղումով հայտնում է, որ նոյեմբերի 27-ին կայացած ճեպազրույցի ժամանակ այս մասին ասել է Իրանի արտաքին գործերի նախարարության խոսնակ Նասիր Քանանին։
Նրա խոսքերով, երկու երկրների հարաբերությունները գտնվում են լավ մակարդակի վրա։
«Իրանի եւ Ադրբեջանի միջեւ քաղաքական, տնտեսական եւ ռազմական ոլորտներում համագործակցությունն ու երկխոսությունը զարգանում է։ Հուսով ենք, որ այս համագործակցությունը կշարունակվի ընդհանուր շահերի շրջանակներում։ Երկու կողմերն էլ նման կամք ունեն»,- ընդգծել է Կանանին իր հայտարարության մեջ։
Նշենք, որ այս տարվա հունվարին Թեհրանում Ադրբեջանի դեսպանատան վրա կատարված հարձակումից հետո այս երկրում Ադրբեջանի Հանրապետության դեսպանատան դիվանագիտական գործունեությունը դադարեցվել էր։ Թեև իրանական կողմը բազմիցս կոչ է արել Ադրբեջանին վերսկսել դեսպանատան դիվանագիտական գործունեությունը, Բաքուն դեռ չի դիմել այդ քայլին։
