Փաստաբան Ագիլ Լայիչի՝ Turan-ին տված տեղեկատվության համաձայն՝ Օրուջովը քրեական գործը կապել է իր լրագրողական գործունեության հետ, քանի որ նրա գործողությունները քրեական բովանդակություն չունեն։
Հետաքննությունը Օրուջովին մեղադրել է պետությանը պատկանող հողատարածքում ապօրինի տուն կառուցելու մեջ։ Թեեւ այդ տարածքում հազարավոր տներ են կառուցվել, սակայն դրանց սեփականատերերի դեմ դատական գործեր չեն հարուցվել։
Մյուս կողմից՝ հողը պետության սեփականությունն է, իսկ Օրուջովի դեմ բողոք են ներկայացրել 11 քաղաքացիներ, ովքեր կապ չունեն այս հողի հետ։
«Ընդհանուր առմամբ, այս դեպքում հանցագործ չկա, պետական մարմինները կարող էին քանդել մաքսիմալ շենքը»,- ասաց փաստաբանը։ Նրա խոսքով՝ պաշտպանական կողմը մտադիր է կալանքի դեմ վերաքննիչ բողոք ներկայացնել։
Հիշեցնենք, որ Օրուջովին մեղադրանք է առաջադրվել 188.2 հոդվածով (առանց սեփականության իրավունքի հողի վրա շինարարական աշխատանքներ կատարելը)։ Այս հոդվածով նա կարող է ազատազրկվել մինչև 3 տարի ժամկետով։
Չնայած ապօրինի շինարարության մեղադրանքին՝ ոստիկանները խուզարկել են Օրուջովի բնակարանը, մեքենան, հեռուստաալիքի գրասենյակը, առգրավել 2 նոթբուք, բջջային հեռախոս, նախորդ քրեական գործից նյութեր։
Ազիզ Օրուջովը նախկինում քրեական հետապնդման է ենթարկվել։ 2017 թվականին նա դատապարտվել է 6 տարվա ազատազրկման։
Իրավապաշտպանները նրան ճանաչել են որպես քաղբանտարկյալ։ Ավելի ուշ նրա պատիժը մեղմացվել է, և նա պայմանական վաղաժամկետ ազատ է արձակվել 2018թ.
