Ադրբեջան-Իրան սահմանին երկաթուղային գծի միացման համար կծախսվի 500 մլն դոլար։
Toplum TV-ն «Թրենդ»-ին հղումով հայտնում է, որ այս մասին իրանական լրատվամիջոցներին տված իր հայտարարության մեջ ասել է Ադրբեջանում Իրանի դեսպան Սեյյեդ Աբբաս Մուսավին։
«Ներկայումս մենք դիտարկում ենք նոր Կովկասը, և Իրանը պետք է ակտիվ դեր խաղա նոր պայմաններում, որտեղ Հարավային Կովկասը դարձել է տարանցիկ տարածք համաշխարհային առևտրի համար»,- ասել է Մուսավին։
Դեսպանը նաև հավելեց, որ Իրանի և Ադրբեջանի միջև Արազ ճանապարհային միջանցքի ստեղծման մասին համաձայնագիրը շատ կարևոր հնարավորություն է այս ուղղությամբ.
«Իրանը փորձում է իրականացնել այս համաձայնագիրը ազգային եւ միջազգային մակարդակով։ Արազի ճանապարհային միջանցքին աջակցում են երկու երկրները։ Վերջերս Ադրբեջանը 8 մլն դոլարի միջոցներ է հատկացրել ադրբեջանա-իրանական սահմանին Աղբանդ-Կալալա կամրջի կառուցման համար։ Միաժամանակ Ադրբեջանը ապագայում 500 մլն դոլար կծախսի երկու երկրների երկաթուղիները Աղբանդի ուղղությամբ միացնելու համար։
