Սուպերգավաթի եզրափակիչ «Ֆեներբախչե»-«Գալաթասարայ» հանդիպումը չեղարկվել է

Սաուդյան Արաբիայում «Ֆեներբախչեի» և «Գալաթասարայի» միջև նախատեսված Սուպերգավաթի եզրափակիչը չեղարկվել է։

Gununsesi.info հաղորդում է, որ այս որոշումը կայացվել է այն պատճառով, որ ֆուտբոլիստներին թույլ չեն տվել տաքանալ՝ կրելով Աթաթուրքի նկարով շապիկներ։

Սաուդյան Արաբիայի մայրաքաղաք Ռիադում նախատեսված Սուպերգավաթի եզրափակիչից առաջ ճգնաժամ էր։ Խաղից ժամեր առաջ հայտարարվեց, որ Սաուդյան Արաբիայի ղեկավարությունը թույլ չի տա «Գալաթասարային» ու «Ֆեներբախչեին» ներկայանալ Աթաթուրքի պաստառներով ու շապիկներով ու Սուպերգավաթի ժամանակ երգել Թուրքիայի օրհներգը։

Նրանք ասացին, որ չեն գնա հանդիպման, եթե թիմերին չթողնեն տաքանալ Աթաթուրքի նկարով։ «Ֆեներբախչեն» ու «Գալաթասարայը» դուրս չեն եկել հյուրանոցից, որտեղ իջեւանել են, քանի որ թույլտվություն չի տրվել։ Իրադարձություններից հետո Էր Ռիադում կայանալիք Սուպերգավաթի եզրափակիչը չեղարկվեց և տեղափոխվեց այլ ժամանակ։

Թուրքիայի ֆուտբոլի ֆեդերացիան, «Ֆեներբախչե» և «Գալաթասարայ» ակումբները տեղի ունեցածի վերաբերյալ համատեղ հայտարարություն են տարածել։

Սուպերգավաթի չեղարկումից հետո «Գալաթասարայ» և «Ֆեներբախչե» թիմերը մեկնել են Թուրքիա։