Թուրքիան հույս ունի իրականացնել Զանգեզուրի միջանցքի նախագիծը մինչև 2029 թվականը.
Ինչպես հաղորդում է ԱՊԱ-ն, այս մասին «Ինտերֆաքս»-ին տված հայտարարության մեջ ասել է երկրի տրանսպորտի և ենթակառուցվածքների նախարար Աբդուլքադիր Ուրալօղլուն։
Նրա խոսքով, ավարտին մոտ է Զանգեզուրի միջանցքի ադրբեջանական հատվածը, որը սկսվում է Բաքվից և հասնում Հորադիզ։
«Միջանցքի թուրքական հատվածի երկարությունը 224 կմ է։ Ընդհանուր առմամբ, այս միջանցքի ստեղծման գործընթացը կտեւի 5 տարի։ Այսինքն՝ կարծում եմ, որ 2028 թվականին մենք կավարտենք բոլոր աշխատանքները»,- ասաց նախարարը։
Նա հավելեց, որ բացի Հայաստանի տարածքով անցնող հատվածից, Հորադիզից Օրդուբադ ընկած հատվածում շինարարական աշխատանքները շարունակվում են։ Նախիջեւանի Ինքնավար Հանրապետությունը Թուրքիային կապող գոյություն ունեցող ճանապարհի մոտ 100 կմ-ը կպահանջվի վերակառուցել։ Դրա շարունակությունը կլինի Իգդիր-Կարս երկաթգիծը։ Այս երկաթուղային գծի համար արդեն մրցութային ընթացակարգեր են անցկացվել, և դրա շինարարությունը կսկսվի այս տարի։
Անդրադառնալով Զանգեզուրի միջանցքի վերաբերյալ Երևանի դիրքորոշմանը, Աբդուլքադիր Ուրալօղլուն ընդգծել է, որ երբ առաջին անգամ նման նախաձեռնություն առաջարկվեց, թեև քննարկվել էին դրա առավելությունները, հայկական կողմը բացասաբար է արձագանքել.
«Սակայն Փաշինյանը վերջին շրջանում դրական մեսիջներ է հնչեցրել այս միջանցքի վերաբերյալ։ Զանգեզուրի միջանցքի հայկական հատվածի երկարությունը մոտավորապես 43 կմ է։ նրանք պետք է իրականացնեն պլանավորում և մրցույթ, որպեսզի միջանցքը համարվի ամբողջությամբ ավարտված: Այսպիսով, Թուրքիան անմիջական և հեշտ մուտք կունենա դեպի թյուրքական աշխարհ և Կենտրոնական Ասիայի երկրներ։
