Բաքվի հանրապետական պերինատալ կենտրոնում բռնկված հրդեհի հետեւանքով 4 երեխա է մահացել. Դեպքի առթիվ հարուցվել է քրեական գործ։
Toplum TV-ն հայտնում է, որ այս մասին ասված է հունվարի 9-ին Գլխավոր դատախազության, Արտակարգ իրավիճակների նախարարության և TABIB-ի տարածած համատեղ տեղեկատվության մեջ։
Հաղորդվել է, որ Կենտրոնում բռնկված հրդեհը կարճ ժամանակում մարվել է, իսկ ներսում գտնվող մարդիկ տարհանվել են։
Սակայն Կենտրոնի Նորածինների ինտենսիվ թերապիայի բաժանմունքում բուժվող 4 երեխաների դիերը հայտնաբերվել են։
Փաստի առթիվ Գլխավոր դատախազության քննչական վարչությունում հարուցվել է քրեական գործ՝ քրեական օրենսգրքի հրդեհային անվտանգության կանոնները խախտելու և անզգուշության հետևանքով երկու և ավելի անձանց մահ պատճառելու հոդվածներով։
Զեկուցվել է, որ այս պահին քննչական և օպերատիվ միջոցառումները շարունակվում են։