«Հայկական կողմը հունվարի 4-ին ադրբեջանական կողմին է ուղարկել խաղաղության պայմանագրի վերաբերյալ առաջարկների պատասխանները»..
Toplum TV-ն հայտնում է, որ այս մասին լրագրողներին տված իր հայտարարության մեջ ասել է Հայաստանի Անվտանգության խորհրդի քարտուղար Արմեն Գրիգորյանը։
Նրա խոսքով, Երեւանը դրական է գնահատում Բաքվի հետ շփումները, «սակայն կան որոշակի հարցեր, որոնց շուրջ առաջընթաց չկա»։
«Մենք ակնկալում ենք, որ այս հարցերում շուտով առաջընթաց կգրանցվի, և հնարավոր կլինի հնարավորինս արագ կնքել և ստորագրել խաղաղության պայմանագիրը։ Կան որոշ հարցեր, որոնց մասին մենք համաձայնության ենք եկել բանավոր բանակցությունների ընթացքում, և տեքստում կան որոշ կետեր, որտեղ մենք որոշակի հետընթաց ենք տեսնում։ Բայց կան նաև առաջընթացի կետեր»,- ասաց Գրիգորյանը։
Նա նաև նշել է, որ հունվարի վերջին Ադրբեջանի և Հայաստանի պետական սահմանների սահմանազատման հանձնաժողովի աշխատանքների շրջանակում կկայանա ևս մեկ հանդիպում.
«Պայմանավորվածություն կա, որ սահմանազատման հանձնաժողովները կրկին կհանդիպեն հունվարի վերջին։ Հույս ունենք, որ այս հանդիպումը կկայանա»։