Ադրբեջանական բանկերը Հայրենական պատերազմի վետերանների վարկային պարտքերը կգրեն մի շարք լրացուցիչ դիմումների հիման վրա։
Toplum TV-ն «Report»-ին հղումով հայտնում է, որ այս մասին հունվարի 9-ին լրագրողներին տված իր հայտարարության մեջ ասել է «Ադրբեջանի բանկերի ասոցիացիայի» նախագահ Զաքիր Նուրիևը։
«Վերջին հակաահաբեկչական գործողությունների ընթացքում և դրանից առաջ ամբողջությամբ դուրս են գրվել Հայրենական պատերազմում զոհված անձանց և նրանց ընտանիքի անդամների բանկերին ունեցած պարտքերը։ Միաժամանակ կասեցվել են մեր վետերանների վարկերի տոկոսները։ Բացի այդ, գոյություն ունեցող պարտքերը կչեղարկվեն մի շարք լրացուցիչ դիմումների հիման վրա։ Առաջիկա ժամանակահատվածում Ադրբեջանի բանկային և ապահովագրական համակարգերը սերտ աջակցություն կցուցաբերեն փոխադարձ առկա և ի հայտ եկած խնդիրների լուծմանը»,- ասված է Զ.Նուրիևի հայտարարության մեջ։