Նա ասաց, որ վարչական սխալի արձանագրության մեջ գրվածը սուտ է, ինքը չի հայհոյել ու անհնազանդություն չի ցուցաբերել ոչ մեկին։
Լրագրող, քաղաքական մեկնաբան Շահին Ռզաևը ձերբակալվել է հունվարի 15-ին։ Սուրախանի շրջանային դատարանի որոշմամբ նա դատապարտվել է 15 օրվա վարչական ազատազրկման։ Նրան մեղադրանք է առաջադրվել Վարչական իրավախախտումների վերաբերյալ օրենսգրքի 510 (մանր չարաշահում) և 535.1 (ոստիկանության օրինական պահանջին չենթարկվել) հոդվածներով։
Ենթադրվում է, որ Շահին Ռզաևը փողոցում հայհոյել է, իսկ ոստիկանները պահանջել են նրան կարգապահական պատասխանատվության ենթարկել, սակայն նա ուշադրություն չի դարձրել։ Նա բերման է ենթարկվել Սուրախանի թաղամաս, ոստիկանության 31 բաժին։
Հարազատների խոսքով՝ Շահին Ռզաևի կալանավորման և դատավարության մասին ընտանիքի անդամները տեղեկացված չեն եղել։ Հունվարի 15-ին, ցերեկը ժամը 14:00-ի սահմաններում, երբ նա գնացել է խանութ, ոստիկանները բռնել ու տարել են։
Շահին Ռզաևին դատարան են բերել փաստաբանի հետ՝ պետության հաշվին։ Նա ընդգծեց, որ վարչական սխալի արձանագրության մեջ գրվածը սուտ է, ինքը չի հայհոյել ու անհնազանդություն չի ցուցաբերել ոչ մեկին։
Նրա մտերիմները նույնպես կարծում են, որ նա պատժվել է իր լրագրողական գործունեության ու Facebook սոցիալական ցանցում կիսվելու համար։
