Ադրբեջանում դեղատներից առանց էլեկտրոնային դեղատոմսի հնարավոր չի լինի դեղեր ստանալ։
Toplum TV-ն «Report»-ին հղումով տեղեկացնում է, որ այս մասին հունվարի 17-ին հայտնել է Առողջապահության նախարարության առողջապահության տեղեկատվական կենտրոնի վարչության պետ Քաբութեր Մովսումլուն։
Նրա խոսքով, էլեկտրոնային դեղատոմսում նշվելու են միայն Սակագնային խորհրդի կողմից հաստատված և պետությունում գրանցված դեղերը։
Պաշտոնյան նշեց, որ էլեկտրոնային դեղատոմսերի հարցը չի տարածվի քաղաքացիների որոշ կատեգորիաների վրա, որոնք պետության կողմից անվճար դեղեր են տրամադրվում.
«Որոշ հիվանդների համար դեղատոմսերը պահանջում են 2 կամ 3 կնիք։ Սա նույնպես պահվում է էլեկտրոնային դեղատոմսի մեջ: Բացի այդ, էլեկտրոնային դեղատոմսում հնարավոր չի լինի գրել բրենդային դեղեր կամ կենսաբանորեն ակտիվ սննդանյութեր»:
Կաբութեր Մովսլուն պարզաբանել է նաև էլեկտրոնային դեղատոմսով դեղերի գնման կարգը.
«Օրինակ՝ դեղատոմսում գրված դեղերի թիվը 10 է, իսկ իր դիմած դեղատանը մնացել է ընդամենը 5-ը։ Այդ դեպքում վերցվում է այնքան, որքան դեղատանը, բայց էլեկտրոնային դեղատոմսը կմնա ակտիվ, և քաղաքացին կկարողանա դիմել և դեղ գնել այլ դեղագործական հաստատությունից։ Այսինքն՝ դեղերի մնացած քանակի համար դեղատոմսը նորից գրելու կարիք չի լինի։ Հաշվի առնենք նաև, որ դեղատոմսերի ընթերցումը որոշակի դժվարություն էր դեղագործների համար, այս խնդիրը վերացվում է էլեկտրոնային դեղատոմսերի համակարգի կազմակերպմամբ։
