Հայտարարվել է Ադրբեջանի բնակչության թիվը.
Toplum TV-ն հայտնում է, որ այս մասին հունվարի 17-ին տեղեկություն է հրապարակել Պետական վիճակագրական կոմիտեն։
Հաղորդվում է, որ վերջին մարդահամարի արդյունքներով բնակչության թիվը 2023 թվականի դեկտեմբերի 1-ի դրությամբ հաշվարկվել է 10 176 811 մարդ։
Բնակչության 54,6 տոկոսը քաղաքաբնակ է, 45,4 տոկոսը՝ գյուղաբնակ, 49,8 տոկոսը՝ տղամարդիկ, 50,2 տոկոսը՝ կանայք։
Կոմիտեի տվյալներով՝ վերջին մեկ տարում արձանագրվել է մահացության դեպքերի մի փոքր նվազում։ Այսպես, անցած տարվա 11 ամսում հանրապետությունում գրանցվել է մահվան 54 հազար 794 դեպք։ Զեկուցվել է, որ 2022 թվականի համապատասխան ժամանակահատվածի համեմատ այս ցուցանիշը 1000 մարդու հաշվով 6.0-ից նվազել է 5.9-ի։