Բաքվի Բինագադի թաղամասի կահույքի խանութում հունվարի 15-ին տեղի ունեցած պայթյունի պատճառով բուժհաստատություններում բուժվող 10-ից 9-ի վիճակը ծանր է։
Toplum TV-ն հայտնում է, որ հունվարի 19-ին այս մասին տեղեկություն է հրապարակել TABIB-ը։
Զեկուցվել է, որ Նարիմանովի անվան բժշկական կենտրոնի Այրվածքաբանության կենտրոնում այս պահին բուժվող 9 հոգուց 3-ի վիճակը ծանր է, 6-ի վիճակը միջին ծանրության է։
Նշվել է, որ 1 հոգի բուժվում է Կլինիկական բժշկական կենտրոնի համապատասխան բաժանմունքներում, իսկ 2 հոգի ամբուլատոր բուժման նպատակով դուրս է գրվել տուն։
Նշենք, որ հայտնի միջադեպի արդյունքում փլատակների տակից դուրս է բերվել 9 մարդու դի, 24 մարդ ստացել է տարբեր աստիճանի վնասվածքներ։ Պայթյունի դեպքի առթիվ հարուցվել է քրեական գործ՝ Քրեական օրենսգրքի համապատասխան հոդվածներով։