Երեկ Երեւան է ժամանել Հարավային Կովկասում Եվրամիության հատուկ ներկայացուցիչ Տոյվո Կլաարը։ Նա այստեղ հանդիպում է ունեցել փոխվարչապետ Մգեր Գրիգորյանի հետ։
Ըստ հայկական ԶԼՄ-ների, զրուցակիցները քննարկել են ամսվա վերջին կայանալիք սահմանների սահմանազատման շուրջ Հայաստանի և Ադրբեջանի պատվիրակությունների հանդիպումը, ինչպես նաև տարածաշրջանում տիրող ընդհանուր իրավիճակը։
Այսօր այցով Երևանում է Հարավային Կովկասում և Կենտրոնական Ասիայում ՆԱՏՕ-ի հատուկ ներկայացուցիչ Խավիեր Կոլոմինան։
Ի թիվս այլ հարցերի, քննարկվել են Հարավային Կովկասում անվտանգության իրավիճակը, հայ-ադրբեջանական հարաբերությունների կարգավորման գործընթացը։
«Զրուցակիցները մտահոգություն են հայտնել Ադրբեջանի նախագահի վերջին հայտարարությունների կապակցությամբ, որոնք հակասում են բանակցությունների տրամաբանությանը և հանգեցրել են տարածաշրջանում լարվածության աճի։ Այս համատեքստում վարչապետն ընդգծել է միջազգային հանրության համապատասխան և նպատակաուղղված արձագանքի և Հարավային Կովկասում կայունությանն ու խաղաղությանը միտված քայլերի անհրաժեշտությունը», հաղորդում է «Արմենպրես» գործակալությունը։