Եվրոպայի խորհրդի խորհրդարանական վեհաժողովը պատժամիջոցներ է սահմանել Ադրբեջանի նկատմամբ

Եվրոպայի խորհրդի խորհրդարանական վեհաժողովի պատգամավորները քվեարկել են ադրբեջանական պատվիրակության լիազորությունները սահմանափակելու օգտին։

Toplum TV-ն «Թուրան» լրատվական գործակալությանը հղումով հայտնում է, որ համապատասխան որոշումն ընդունվել է այսօր Ստրասբուրգում՝ Եվրոպայի խորհրդի խորհրդարանական վեհաժողովի ձմեռային նստաշրջանի առաջին օրը։ Այսպիսով, պատգամավորները քվեարկեցին սահմանափակելու Ադրբեջանի պատվիրակության լիազորությունները «կազմակերպության սկզբունքները խախտելու համար»։

Նշված նախաձեռնությամբ խոսել է գերմանացի պատգամավոր Ֆրանկ Շվաբեն։

Իր հայտարարության մեջ նա նշել է, որ Ադրբեջանում մարդու իրավունքների խախտումները շարունակվում են, քաղբանտարկյալների թիվն ավելանում է, իսկ պաշտոնական Բաքուն հրաժարվել է հրավիրել Եվրոպայի խորհրդի խորհրդարանական վեհաժողովի պատվիրակությանը փետրվարի 7-ի նախագահական ընտրությունները գնահատելու համար։

Պատգամավորը նաև ուշադրություն է հրավիրել Եվրոպայի խորհրդի խորհրդարանական վեհաժողովի խոսնակներին Լաչինի միջանցք 2023թ.-ին թույլ տալու Ադրբեջանի մերժմանը։

Առաջարկը դրվեց քվեարկության և ընդունվեց ձայների մեծամասնությամբ։

Հանդիպման նախագահ Էմանուելիս Սինգերիսն ասաց, որ այս առաջարկի գնահատմամբ կզբաղվի Եվրոպայի խորհրդի խորհրդարանական վեհաժողովի մոնիտորինգի հանձնաժողովը։

Հանձնաժողովը 24 ժամ ունի իր կարծիքը ներկայացնելու համար։ Դրանից հետո Եվրախորհրդի խորհրդարանական վեհաժողովը կքննարկի այս հարցը եւ վերջնական որոշում կկայացնի։

Որոշման համաձայն՝ միաժամանակ Ադրբեջանի պատվիրակությունը չի կարող մասնակցել այս հարցի քվեարկությանը։