Ադրբեջանում կարմրուկի նվազում է նկատվում.
Toplum TV-ն տեղեկացնում է, որ այս մասին հունվարի 23-ին հայտնել են հանրապետական հիգիենիկ համաճարակաբանական կենտրոնից։
Հաղորդվում է, որ Ադրբեջանում կարմրուկի դեմ պատվաստման հետ կապված լուրջ միջոցառումների իրականացումը հանգեցրել է հիվանդացության նվազմանը։
Ըստ տեղեկությունների՝ նվազումը գրանցվել է 2024 թվականի հունվարից։
Այսօր Առողջապահության նախարարությունը նույնպես հայտարարեց, որ հեպատիտ Ա-ի մոնիտորինգի թիվն ավելացել է, վարակակիրների թիվը՝ նվազել։
«Դիտարկված համաճարակաբանական իրավիճակի հետ կապված ավելացել են ԱՆ համապատասխան մասնագետների կողմից տարածքներում խմելու ջրի մանրէաբանական ցուցանիշների ստուգման նպատակով իրականացվող մշտադիտարկումները։ Անցկացված մշտադիտարկման արդյունքում պարզվել է, որ «Ազերսու» ԲԲԸ-ի կողմից բնակչությանը մատակարարվող խմելու ջրի մանրէաբանական ցուցանիշները համապատասխանում են հանրապետությունում գործող պետական չափանիշներին և նորմերին։
Ներկայումս համաճարակաբանական իրավիճակը վերահսկելի է, նկատվում է վարակման դեպքերի նվազում։ Միաժամանակ շարունակվում են աշխատանքները ջրագծերի ու տանկերի լվացման, մաքրման և վնասազերծման ուղղությամբ»,- ասված է տեղեկատվության մեջ։
