«Եվրոկլիր» դեպոզիտարիայի եկամուտը բաժնետերերին չի վճարվի
Եվրամիության բոլոր երկրների մշտական ներկայացուցիչները միաձայն պաշտպանել են Եվրահանձնաժողովի ծրագիրը՝ ռուսական սառեցված ակտիվներից ստացված եկամուտները փոխանցել հատուկ հիմնադրամ, որը կարող է օգտագործվել Ուկրաինայի վերակառուցման համար: Դրա մասին «Financial Times» տեղեկացնում է.
Ձեռք բերված պայմանավորվածությունների համաձայն՝ «Euroclear» դեպոզիտարիայի եկամուտը չի վճարվի բաժնետերերին և հաշվառվելու է առանձին։ Այնուհետև այն կփոխանցվի ԵՄ հատուկ հիմնադրամին՝ Ուկրաինային նպատակային աջակցության համար։ Սա կրկին կպահանջի ԵՄ բոլոր երկրների կողմից կոնսենսուսային որոշում:
Համաձայնագրի նախագծում ընդգծվում է, որ մեխանիզմը կհամապատասխանի ԵՄ օրենսդրությանը, միջազգային իրավունքին և պայմանագրային պարտավորություններին։ Սպասվում է, որ վերջնական որոշումը կընդունվի առաջիկա շաբաթներին։
Անցյալ տարեվերջին կրկին ակտիվացան քննարկումները արևմտյան երկրներում մոտ 300 միլիարդ դոլարի ռուսական ակտիվների բռնագրավման վերաբերյալ։ Այս գումարից մոտ 200 միլիարդ եվրոն գտնվում է Եվրամիության երկրներում։
