Նախագահ Իլհամ Ալիևն ասել է, որ եթե Հայաստանը խաղաղություն է ցանկանում Ադրբեջանի հետ, ապա պետք է բարեփոխի իր Սահմանադրությունը։
Toplum TV-ն հայտնում է, որ նախագահն այս մասին ասել է փետրվարի 1-ին, երբ ընդունել է Միջխորհրդարանական միության գլխավոր քարտուղար Մարտին Չունգոնգին։
Նրա խոսքով, Հայաստանի Անկախության հռչակագիրը ուղղակի կոչեր է պարունակում Ադրբեջանի Ղարաբաղի շրջանը Հայաստանին միավորելու և Ադրբեջանի տարածքային ամբողջականության խախտման վերաբերյալ, և այդ փաստաթղթին հղումներն արտացոլված են նաև Հայաստանի Սահմանադրության մեջ.
«Նաև Հայաստանի այլ նորմատիվ իրավական փաստաթղթերում տարածքային պահանջներ կան Ադրբեջանի դեմ, բազմաթիվ կոնվենցիաներում, որոնց միացել է Հայաստանը, և այլ փաստաթղթերում կան բազմաթիվ վերապահումներ, որոնք չեն ճանաչում Ադրբեջանի ինքնիշխանությունը Ղարաբաղի նկատմամբ։ Միջազգային դատարաններում Հայաստանի հայցերն ընդդեմ Ադրբեջանի հիմնված են այնպիսի հարցերի վրա, ինչպիսիք են Հայաստանի կողմից Ադրբեջանի ինքնիշխանությունը և տարածքային ամբողջականությունը չճանաչելը և Ղարաբաղի անջատումը Ադրբեջանից:
Իլհամ Ալիևը նաև ընդգծել է, որ խաղաղության կարելի է հասնել, եթե վերջ դրվեն այդ պնդումներին, փոփոխություններ կատարվեն Հայաստանի Սահմանադրության մեջ և այլ նորմատիվ իրավական փաստաթղթերում։
Նախագահը կարևորել է նաև Հայաստանում դրա հնարավորինս շուտ իրականացումը։ Նրա խոսքով, Հայաստանում այս թեմայով ներքին քննարկումների նախաձեռնումը դրական քայլ է, և դա կարող է լավ հնարավորություն ստեղծել, որպեսզի խաղաղ գործընթացը շուտով ավարտվի։
