Ֆրանսիան գործում է կրակի վրա բենզին լցնելու սկզբունքով՝ տարածաշրջանում ապակառուցողական քաղաքականություն վարելով, հինգշաբթի օրը Միջխորհրդարանական միության գլխավոր քարտուղար Մարտին Չունգոնին ընդունելիս ասել է երկրի ղեկավար Իլհամ Ալիևը։
Ֆրանսիան զինում է Հայաստանին և աշխարհաքաղաքական ինտրիգներ է նախաձեռնում. Հենց պաշտոնական Փարիզն է տարածաշրջանում լարվածության պատճառ, նա հակաադրբեջանական քաղաքականություն է վարում միջազգային տարբեր կազմակերպություններում և խորհրդարանական մակարդակով, նշել է Ալիևը։
Անդրադառնալով Եվրոպայի խորհրդի խորհրդարանական վեհաժողովի՝ ադրբեջանական պատվիրակությանը ձայնից զրկելու որոշմանը, Ալիեւն ասել է, որ դա փոքրամասնությունների նախաձեռնությունն է։ Նրա խոսքով՝ այս որոշումը հակասում է խորհրդարանական ավանդույթներին։
Ալիեւն ասել է, որ ադրբեջանական պատվիրակության իրավունքները պետք է վերականգնվեն։ Եթե դա տեղի չունենա, ապա կվերանայվի ԵԽ-ում եւ Մարդու իրավունքների եվրոպական դատարանում Ադրբեջանի մասնակցության հարցը»,- ասել է նա։