Փետրվարի 20-ին Սիրիայում գտնվող ճամբարներում պահվող Ադրբեջանի 7 քաղաքացիներ, այդ թվում՝ 5 երեխա և 2 կին, հայրենադարձվել են երկիր։
Toplum TV-ն հայտնում է, որ այս մասին փետրվարի 21-ին տեղեկություն է տարածել արտաքին գործերի նախարարությունը։
Հաղորդվել է, որ Իրաքից և Սիրիայից Ադրբեջանի քաղաքացիների հայրենադարձության համար պատասխանատու պետական կառույցների ներկայացուցիչները ուղարկվել են Թուրքիա։ Այստեղ տրամադրվում է հայրենադարձների նախնական բժշկահոգեբանական փորձաքննություն։
Ավելի ուշ քաղաքացիներին տրամադրվել են Ադրբեջան վերադարձի վկայականներ, որոնք երկիր են բերվել Թուրքիայում Ադրբեջանի դեսպանատան համակարգման աշխատանքների արդյունքում։
Ներկայումս նախատեսվում է միջոցառումներ իրականացնել երկիր վերադարձվածների սոցիալական վերականգնման և վերաինտեգրման համար։
Արտաքին գործերի նախարարության տեղեկատվության համաձայն՝ կշարունակվեն անհրաժեշտ միջոցառումները օտարերկրյա պետությունների տարածքում զինված բախումների զոհ դարձած քաղաքացիների հայրենադարձության համար։