Փետրվարի 22-ին Շեյխուլ-Իսլամ Ալլահշուքյուր Փաշազադեն ընդունել է ամերիկյան Sterling Fund-ի նախագահ Էդվարդ Ռոուի գլխավորած պատվիրակությանը։
Փաշազադեն բարձր է գնահատել Sterling Fund-ի մասնակցությունը Ադրբեջանի ազատագրված տարածքների ականազերծման գործողություններին։
Պատվիրակության անդամը՝ Յուտայի մորմոնական եկեղեցու հոգեւորականը, Փաշազադեին տեղեկացրել է Ադրբեջանում իր ներկայացրած եկեղեցու գրանցման գործընթացի մասին։ Նրա խոսքով, Յուտայի կրոնական համայնքը շահագրգռված է Ադրբեջանի հետ կրոնական հարաբերությունների խորացմամբ։
Փաշազադեն տեղեկացրել է մայիսին կայանալիք Միջմշակութային երկխոսության ֆորումի մասին, որին հրավիրված էին մորմոնական եկեղեցու ներկայացուցիչներ։
Նա նաև ասել է, որ նոյեմբերին Ադրբեջանում կայանալիք COP29-ի շրջանակներում համաշխարհային կրոնական առաջնորդները կհավաքվեն Բաքվում՝ բարոյական գնահատական տալու կլիմայի փոփոխության հարցերին։ Այս մասին ասվում է Կովկասի մահմեդականների վարչակազմի մամուլի հաղորդագրությունում։