Լոնդոնի Գերագույն դատարանը կալանք է դրել 39 միլիոն ֆունտ ստերլինգ արժողությամբ 22 անշարժ գույքի վրա, որոնք պատկանում էին ադրբեջանցի պատգամավոր Ջավանշիր Ֆեյզիևին և նրա կնոջը։
Toplum TV-ն «Թուրան» գործակալությանը հղումով հայտնում է, որ գույքը սառեցվել էր անցյալ տարվա հունիսին։
Ըստ OCCRP-ի (Կոռուպցիայի և կազմակերպված հանցավորության հետազոտման կենտրոնի) հրապարակած փաստաթղթերի՝ այս ընթացքում Ֆեյզիևը չի պատասխանել Լոնդոնում անշարժ գույքի գնման համար միջոցների օրինականության վերաբերյալ հարցումներին։
Սառեցված անշարժ գույքից ամենաթանկը Chelsea Barracks համալիրում գտնվող երկու բնակավայրերն են, որոնց արժեքը գերազանցում է 26 միլիոն ֆունտ ստերլինգը (33,4 միլիոն դոլար):
Սառեցված մյուս գույքերը ներառում են Ռեջենտս զբոսայգին նայող բնակարանը, ինչպես նաև 19 բնակարան Լոնդոնի հյուսիս-արևմուտքում գտնվող բնակելի շենքում:
Ջավանշիր Ֆեյզիևը նախկինում գլխավորել է միջխորհրդարանական հարաբերությունների ադրբեջանա-բրիտանական աշխատանքային խումբը և մինչև 2022 թվականը եղել է Եվրամիություն-Ադրբեջան խորհրդարանական համագործակցության հանձնաժողովի համանախագահը։ Նա հրաժարական տվեց ամիսներ այն բանից հետո, երբ բրիտանական դատարանը բռնագրավեց իր հարազատներին պատկանող ավելի քան 5,6 միլիոն ֆունտ ստեռլինգ ունեցվածքը:
Ոչ Ադրբեջանի կողմից, ոչ էլ անձամբ պատգամավորի կողմից հայտարարություն չի արվել։
