Քանի որ Ռուսաստանը մոտենում է նախագահական ընտրություններին (ամենայն հավանականությամբ, կերկարաձգի Վլադիմիր Պուտինի իշխանությունը), Միացյալ Նահանգները հայտարարեց, որ ընտրություններից անակնկալներ չեն սպասում։
«Չեմ կարծում, որ աշխարհում որևէ մեկի համար անակնկալ կլինի, որ սա ազատ և արդար ընտրություններ չեն լինի»,- ճեպազրույցի ժամանակ ասել է մամուլի քարտուղար Մեթյու Միլլերը։
Քվեարկությունը կանցկացվի մարտի 15-17-ը, և չկան թեկնածուներ, որոնք դեմ են Պուտինի քաղաքականությանը, այդ թվում՝ Ուկրաինայի պատերազմին։
Բորիս Նադեժդինը` միակ հակապատերազմական գործիչը, հեռացվեց ընտրություններից այն բանից հետո, երբ իշխանությունները հայտարարեցին, որ նա բավարար ստորագրություններ չի հավաքել առաջադրվելու համար:
2021 թվականին Պուտինի ստորագրած օրենքը թույլ է տալիս նրան առաջադրվել նախագահական ևս երկու ժամկետով՝ մինչև 2036 թվականը։