Փետրվարի 28-29-ը Բեռլինի «Վիլլա Բորսիգ»-ում բանակցություններ են տեղի ունեցել Ադրբեջանի արտգործնախարար Ջեյհուն Բայրամովի և Հայաստանի արտգործնախարար Արարատ Միրզոյանի միջև։
Նախարարների եւ նրանց պատվիրակությունների միջեւ քննարկվել են «Խաղաղության եւ միջպետական հարաբերությունների հաստատման մասին երկկողմ համաձայնագրի» նախագծի դրույթների վերաբերյալ դիրքորոշումները։ Նշվել է, որ անհրաժեշտություն կա շարունակել լրացուցիչ աշխատանքները որոշ առանցքային հարցերի շուրջ։
Այցի շրջանակներում նախարարները հանդիպել են Գերմանիայի արտաքին գործերի նախարար Աննալենա Բերբոկի հետ։
Ջեյհուն Բայրամովն իր երախտագիտությունն է հայտնել գերմանական կողմին՝ Ադրբեջանի և Հայաստանի միջև բանակցությունները հյուրընկալելու համար, ասվում է Ադրբեջանի արտաքին գործերի նախարարության հաղորդագրության մեջ։
