«Հարավային» գազային միջանցքի անդրտարածաշրջանային ծրագիրն իրականություն դարձավ միջազգային լայն աջակցության շնորհիվ։ Այս մասին «Euronews» հեռուստաալիքին տված հարցազրույցում ասել է Ադրբեջանի նախագահ Իլհամ Ալիեւը։
«3500 կիլոմետր երկարությամբ գոտին այլեւս երազանք չէ, այլ իրականություն եւ ընդգրկում է ավելի ու ավելի շատ երկրներ»,- ասել է Ալիեւը։
Ի պատասխան վերականգնվող էներգիայի մասին հարցին՝ Ալիևն ասել է, որ չնայած ավանդական ռեսուրսների առկայությանը, Ադրբեջանն օգտագործում է նավթի և գազի վաճառքից ստացված եկամուտը՝ վերականգնվող էներգետիկայում ներդրումներ կատարելու համար։
«Մենք ցանկանում ենք ընդհանուր ըմբռնում ստեղծել վերականգնվող էներգիայի անհրաժեշտության վերաբերյալ։ Ամեն տարի մենք ականատես ենք լինում Կասպից ծովի ծանծաղուտին։ Մենք տեսնում ենք կլիմայի փոփոխության վտանգավոր հետեւանքները, մեր գետերի ջուրը նվազում է, մեր լեռներում ձյունը նվազում է, իսկ Կասպից ծովում ջրի մակարդակը նվազում է։ Եթե եռանդով ու վճռականությամբ չզբաղվենք այս հարցով, կտուժենք բոլորս»,- ասել է Ալիեւը։
Նրա խոսքով, ադրբեջանական հատվածում Կասպից ծովի ներուժը 157 գիգավատ է։ Հնարավոր է, որ 10 տարի հետո երկրում առավելագույնս օգտագործվի վերականգնվող էներգիան, իսկ ներքին շուկայում բնական գազի սպառումը կրճատվի։
