Եթե Դոնալդ Թրամփը հաղթի նախագահական ընտրություններում, ԱՄՆ քաղաքականությունը Ադրբեջանի նկատմամբ չի փոխվի. Turan-ի թղթակցի հետ զրույցում նման կարծիք է հայտնել Հանրապետական կուսակցության Արլինգթոնի մասնաճյուղի ղեկավար Մեթյու Հարթը։
Դոնալդ Թրամփը կպաշտպանի՞ մարդու իրավունքները և ժողովրդավարությունը Ադրբեջանում. Մեթյու Հարթը պատասխանել է այս հարցին՝ ասելով, որ Թրամփի վարչակազմը միշտ մեծ ուշադրություն է դարձրել մարդու իրավունքներին և խստորեն դատապարտել է դրա խախտումը բոլոր երկրներում։
«Արտասահմանում ամերիկյան ազատության և ամերիկյան հնարավորությունների արտահայտումն այն է, ինչ մենք անվանում ենք փափուկ ուժ: Բոլոր երկրների համար շատ կարևոր է ապահովել իրենց քաղաքացիների և փոքրամասնությունների իրավունքները»,- ասել է Հարթը։
Միաժամանակ նա նշել է, որ բոլոր երկրները պետք է կարողանան ապահովել իրենց ճակատագիրը՝ առանց արտաքին միջամտության սպառնալիքի։
