ԱՄՆ-ն աջակցում է Միջազգային քրեական դատարանի հետաքննությանը, որը երկու բարձրաստիճան ռուս սպաների ձերբակալության օրդեր է տվել ռազմական հանցագործությունների համար, Turan-ի թղթակցին ասել է Պետդեպարտամենտի ներկայացուցիչ Մեթյու Միլլերը։
«Մենք տեսանք այն լուրը, որ Միջազգային քրեական դատարանը կալանքի օրդեր է տվել Սերգեյ Կոբիլաշին և Վիկտոր Սոկոլովին ենթադրյալ ռազմական հանցագործությունների և մարդկության դեմ հանցագործությունների համար», – ասել է Միլլերը:
Գեներալ Կոբիլաշը Ռուսաստանի հեռահար ավիացիայի հրամանատարն է, ծովակալ Սոկոլովը՝ Ռուսաստանի Սևծովյան նավատորմի հրամանատարը։
Օրդերների ամբողջական մանրամասները չեն հրապարակվի՝ վկաներին պաշտպանելու և հետագա հետաքննությունը հեշտացնելու համար, ասվում է դատարանի հայտարարության մեջ:
Միջազգային քրեական դատարանը հիմնված է Հաագայում և միակ մշտական միջազգային դատարանն է, որն իրավազոր է ցեղասպանության, ագրեսիվ պատերազմների, ռազմական հանցագործությունների և մարդկության դեմ հանցագործությունների վերաբերյալ: