Ադրբեջանի նախագահն իր ցավակցությունն է հայտնել Մոսկվայում զինված հարձակման ժամանակ բազմաթիվ մարդկանց սպանության կապակցությամբ

Ադրբեջանի նախագահ Իլհամ Ալիևն իր ցավակցությունն է հայտնել ՌԴ նախագահ Վլադիմիր Պուտինին՝ Crocus City Hall համերգասրահի վրա տեղի ունեցած զինված հարձակման ժամանակ բազմաթիվ մարդկանց սպանության կապակցությամբ։

Ցավակցականում ասվում է. «Խորապես ցնցված ենք «Կրոկուս Սիթի Հոլլ» համերգասրահում տեղի ունեցած սարսափելի ահաբեկչության լուրից։ Ադրբեջանի ժողովրդի և անձամբ իմ անունից խստորեն դատապարտում եմ այս ահաբեկչությունը, մաղթում եմ համբերություն ձեզ, Ռուսաստանի ժողովրդին և զոհվածների ընտանիքներին ու հարազատներին, իսկ վիրավորներին՝ շուտափույթ ապաքինում»։