Մարտի 29-ին Մոսկվայում կայացել է Ռուսաստանի և Ադրբեջանի ԱԳ փոխնախարարներ Յուրի Գալուզինի և Էլնուր Մամեդովի հանդիպումը։
«Ռուս-ադրբեջանական հարաբերությունների իրավիճակն ու հեռանկարները օբյեկտիվորեն վերանայվեցին։ Քննարկվել են Ռուսաստանի Դաշնության և Ադրբեջանի Հանրապետության միջև փոխադարձ համագործակցության մասին հռչակագրի (2022 թվականի փետրվարի 22-ի) դրույթների կատարման հետ կապված հաջորդ համատեղ քայլերը։
Անդրադարձ է կատարվել տարածաշրջանային և միջազգային մի շարք հարցերի, այդ թվում՝ Հարավային Կովկասում տիրող իրավիճակին, Ադրբեջանի, Հայաստանի և Ռուսաստանի ղեկավարների եռակողմ պայմանավորվածությունների հիման վրա Հայաստան-Ադրբեջան հարաբերությունների կարգավորման հեռանկարներին։
Հանդիպումն անցել է ավանդական բարեկամության և վստահության մթնոլորտում՝ ռուս-ադրբեջանական դաշինքի և ռազմավարական գործընկերության ոգուն համապատասխան», – ասված է ՌԴ ԱԳՆ-ում։
