Ապրիլի 4-ին Բաքվի ծանր հանցագործությունների դատարանում տեղի է ունեցել հասարակական ակտիվիստ Ռաիլ Աբբասովի գործով նախնական դատական նիստը։
Ընթացքում փաստաբան Էլչին Սադիգովը միջնորդություն է ներկայացրել Ռ.Աբբասովի նկատմամբ խափանման միջոցը փոխարինել տնային կալանքով՝ պատճառաբանելով, որ գործը շինծու է, և որ Ռ.Աբբասովը կալանավորվել է քաղբանտարկյալ Բախտիյար Հաջիևին պաշտպանելու համար։ Փաստաբանը դատարանին խնդրեց նաև հարցում ուղարկել ՆԳՆ՝ պարզելու, թե արդյոք ՆԳՆ ռեգիստրում կա՞ տուժողների և վկաների նկատմամբ քրեական գործերի առկայության մասին տեղեկություն։
Դատախազը դատարանին խնդրեց չբավարարել տնային կալանքի հետ կապված միջնորդությունը, իսկ մյուս միջնորդությունը թողնել վարույթ։
Թեև տուժող Ասգար Հազիևը միջնորդել է բավարարել պաշտպանական կողմի միջնորդությունները, դատարանը չի բավարարել տնային կալանքի հետ կապված միջնորդությունը, իսկ մյուս միջնորդությունը մնացել է ընթացքի մեջ։
Հաջորդ դատական նիստը նշանակվեց ապրիլի 18-ին։
