«Եվրամիությունը և Միացյալ Նահանգները սատարում են Հայաստանի Հանրապետության և տարածաշրջանի կայուն, խաղաղ, անվտանգ, ժողովրդավարական և բարգավաճ ապագան։ Այս համատեքստում մենք նպատակ ունենք ընդլայնել համագործակցությունը՝ ուղղված Հայաստանի Հանրապետության կայունության ամրապնդմանը, այդ թվում այնպիսի կարևոր ոլորտներում, ինչպիսիք են քաղաքական բարեփոխումները, տնտեսական զարգացումը և մարդասիրական օգնությունը։ Այս մասին ասված է ապրիլի 5-ին Բրյուսելում Եվրահանձնաժողովի ղեկավարի, ԱՄՆ պետքարտուղարի, Եվրոպական միության բարձր ներկայացուցչի և Հայաստանի վարչապետի մասնակցությամբ կայացած հանդիպման արդյունքների վերաբերյալ համատեղ հայտարարության մեջ։
«Մենք կփորձենք ընդլայնել մեր գործընկերությունը այնպիսի ոլորտներում, ինչպիսիք են, օրինակ, շարժունակությունը, կառավարումը, իրավապահ մարմինները, առևտուրը, կապը, գյուղատնտեսությունը, էներգետիկան և տեխնոլոգիաները: Այս կարևոր ոլորտներին աջակցելու համար Եվրամիությունը և Միացյալ Նահանգները նախատեսում են ավելի սերտ համագործակցել Հայաստանի հետ»,- նշված է փաստաթղթում։
Եվրամիությունը և Միացյալ Նահանգները մտադիր են լրացուցիչ օգնություն տրամադրել Հայաստանին՝ օգնելու նվազեցնել ռիսկերը, դիվերսիֆիկացնել առևտուրը և ամրապնդել տնտեսական և ինստիտուցիոնալ կայունությունը:
Հայաստան-ԵՄ գործընկերության նոր օրակարգն ամրապնդելու նպատակով Եվրամիությունը հանդես կգա 270 միլիոն եվրո արժողությամբ «Հայաստանի կայունությունն ու աճը 2024-2027 թվականներին» ծրագրով։ Այս ծրագիրն ուղղված է Հայաստանի Հանրապետության սոցիալ-տնտեսական կայունության ամրապնդմանը, միաժամանակ առևտրի դիվերսիֆիկացմանը, տրանսպորտային ենթակառուցվածքների, թվային տեխնոլոգիաների և էներգետիկայի ոլորտներում ներդրումներին աջակցելուն, ինչպես նաև բիզնեսի զարգացմանը։
Միացյալ Նահանգները կաշխատի Հայաստանի հետ՝ ներգրավելու լրացուցիչ ամերիկյան ներդրումներ, տեխնոլոգիական առևտուր, կիբերանվտանգություն և տեխնոլոգիական ենթակառուցվածքների ընդլայնում։ Միացյալ Նահանգները կաջակցի նաև էներգետիկ դիվերսիֆիկացմանը և միջուկային էներգիայի խաղաղ հնարավորություններին և կբարձրացնի Հայաստանի պարենային անվտանգությունը։
Ղարաբաղից 100 հազար փախստականների աջակցելու են նաեւ Եվրամիությունն ու ԱՄՆ-ը։
