Իրանական Boeing 747-21AC բեռնատար ինքնաթիռները մի քանի օր է, ինչ թռչում են Հայաստան։ Միջազգային ավիացիոն նավիգատորների տվյալներով՝ նման թռիչքներ իրականացվել են մարտի 29-30-ը և ապրիլի 2-3-4-ը։
Իրանական և հայկական ԶԼՄ-ները այդ բեռների պարունակության մասին որևէ պաշտոնական տեղեկատվություն չեն տրամադրում։ Ենթադրվում է, որ դրանք այն զենքերն են, որոնք Հայաստանը գնել է Հնդկաստանից և պատվիրատուին առաքել Իրանի միջոցով։
Պաշտոնական տեղեկատվության համաձայն՝ Հայաստանը Հնդկաստանից պատվիրել է 275 միլիոն դոլարի զենք, որոնց թվում են համազարկային կրակի համակարգեր, հրետանի և այլ ծանր զինատեսակներ։
