«Կանալ-11» ինտերնետ-հեռուստատեսությունը հայտարարություն է տարածել՝ կապված վերջին օրերին Ադրբեջանում լրագրողների և ակտիվիստների ձերբակալությունների հետ։
«Կասկած չկա, որ անցած տարվանից սկսած հասարակական և քաղաքական ակտիվիստների և լրագրողների դեմ բռնաճնշումների այս ալիքը Ադրբեջանի կառավարության ծրագրի մի մասն է՝ ոչնչացնելու նույնիսկ վերջին անկախ ձայները երկրում»,- ասվում է հայտարարության մեջ։
Սակայն ռեպրեսիաների նախորդ ալիքը՝ 2012-2014 թվականներին, ցույց տվեց, որ որքան էլ լինեն ձերբակալություններ, ճնշումներ, հետապնդումներ, կալանավորումներ, երկրում հնարավոր չի լինի ոչնչացնել անկախ ձայները։
«Կանալ 11»-ն իր համերաշխությունն է հայտնել «Թոփլում» հեռուստաընկերությանը և «Աբզաս Մեդիային» և հայտարարել, որ նրանք նույն ճակատում պայքարում են ավտորիտարիզմի դեմ։
Հիշեցնենք, որ «Կանալ»-ի ղեկավար Թեյմուր Քարիմովը ձերբակալվել էր անցյալ տարվա դեկտեմբերին՝ դիտավորյալ շորթման մեղադրանքով։
Այս լրատվական ռեսուրսը լուսաբանել է քաղաքական և սոցիալական բողոքի ակցիաները: Ներկայումս նրա աշխատակիցները շարունակում են իրենց աշխատանքը այլ մեդիա հարթակներում։
