Նոր ֆիգուր «Ֆրանսիական լրտեսի» գործում.

Ադրբեջանում «ֆրանսիական լրտեսական ցանցի» բացահայտման դեպքի վերաբերյալ պաշտոնական տեղեկատվության բացակայության ֆոնին արտասահմանյան լրատվամիջոցները նոր մանրամասներ են բացահայտում այս հարցի վերաբերյալ։

Նշենք, որ դեկտեմբերի սկզբին Բաքվում ձերբակալվել էր մասնավոր բիզնեսով զբաղվող Ֆրանսիայի քաղաքացի Մարտին Ռիանը։ Նրան մեղադրել են լրտեսության մեջ, մինչդեռ Ադրբեջանում Ֆրանսիայի դեսպանատան երկու աշխատակիցներ հայտարարվել են պերսոնա նոն գրատա։

Ֆրանսիական «Օբսերվեր օնլայն» թերթը հայտնել է, որ այս գործով կալանավորվել է եւս մեկ անձ՝ Ադրբեջանի քաղաքացի Ա.Մամադլին։ Նա մեղադրվում է ֆրանսիացի Ռիանի հետ «ընդարձակ գաղտնի հարաբերություններ» հաստատելու մեջ՝ «Ֆրանսիայի քաղաքացիության և ֆինանսական պարգևի դիմաց»։

Ենթադրվում է, որ նա զբաղվել է տարածաշրջանի մասին տեղեկություններ հավաքելով և այն ֆրանսիական հատուկ ծառայություններին փոխանցելով։

Ըստ աղբյուրի՝ Ռիանը և Ա.Մամադլին հետախուզության աշխատակիցների հանձնարարությամբ հարաբերություններ են հաստատել ֆրանսիական «Societe Generale» բանկի աշխատակիցների հետ։

Մամեդլին մասնակցել է ադրբեջանական բանկերում բանկային «թղթակցային հաշիվների» բացմանը և այլ հարցերի հետ կապված միջբանկային պայմանագրերի կնքմանը։

Այս բոլոր տեղեկություններից պարզ չէ, թե ինչ է իրենից ներկայացնում լրտեսություն, և ինչ կապ ունի բանկային հաշիվների բացումը խնդրի հետ։

Նշենք, որ Ռիայի ադրբեջանցի փաստաբանը հրաժարվում է մեկնաբանություններից, իսկ թե ով է պաշտպանել Ա.Մամադլիին, չի հաջողվել պարզել։