«Ֆրանսիան որոշել է հետ կանչել Ադրբեջանում իր դեսպանին խորհրդակցությունների համար՝ կապված վերջին ամիսների ընթացքում երկկողմ հարաբերություններին վնասող Ադրբեջանի կողմից միակողմանի գործողությունների շարունակման հետ»: Այս մասին ասված է Ֆրանսիայի արտաքին գործերի նախարարության՝ ապրիլի 16-ին տարածած տեղեկատվության մեջ։
«Այսօր հանրապետության նախագահն ընդունել է մեր դեսպանին այս առիթով։ Նա ափսոսանք է հայտնել Ադրբեջանի գործողությունների համար և մաղթել է, որ ադրբեջանական կողմը հստակեցնի իր մտադրությունները։
«Ֆրանսիան ևս մեկ անգամ հայտարարում է իր աջակցությունը Ադրբեջանի և Հայաստանի միջև հարաբերությունների կարգավորմանը՝ հարգելով միջազգային իրավունքի նորմերը և երկու երկրների տարածքային ամբողջականությունը»,- ասվում է տեղեկատվության մեջ։
Ադրբեջանի արտաքին գործերի նախարարությունը դեռևս չի մեկնաբանել Փարիզի այս որոշումը։
