Ապրիլի 16-ին Բաքվի քաղաքային ոստիկանության վարչությունում որպես վկա հարցաքննվել է լրագրող Մինա Ալիյարլին։
Նրա փաստաբան Նազիմ Մուսաեւը Turan-ին հայտնել է, որ լրագրողը հարցաքննվել է «Աբզաս Մեդիա» գործով։
Ա.Ալիյարլին այս գործով նախկինում հարցաքննվել էր անցյալ տարվա նոյեմբերին։
Փաստաբանի խոսքով՝ ոստիկանություն կրկնվող հրավերը կապված է եղել քննության ընթացքում ծագած «լրացուցիչ հարցերի» հետ։
Ինքը՝ Ա.Ալիյարլին, հայտնել է, որ հոգեբանական կամ ֆիզիկական ճնշումների չի ենթարկվել։
2023 թվականի նոյեմբերից վեց լրագրողներ և լրատվամիջոցների աշխատակիցներ, որոնք կապված են Abzas Media-ի հետ, ձերբակալվել են։
Նրանք մեղադրվում են «արտարժույթի մաքսանենգության» մեջ։ Լրատվամիջոցների ներկայացուցիչները հերքում են մեղադրանքը և քրեական գործը կապում կոռուպցիայի վերաբերյալ լրագրողական հետաքննության հետ։ Իրավապաշտպանները ձերբակալվածներին նշել են որպես քաղբանտարկյալներ։
