Շարունակվող լայնածավալ բողոքի ակցիաների ֆոնին ապրիլի 17-ին իշխող «Վրացական երազանք» կուսակցության խորհրդարանական մեծամասնության անդամներն առաջին ընթերցմամբ ընդունեցին ռուսական օրենքը։
Առաջին անգամ նմանատիպ օրինագիծ իշխող կուսակցության կողմից ընդունվել էր 2023 թվականի մարտին, սակայն բողոքի ցույցերից հետո օրինագիծը երկրորդ ընթերցմամբ տապալվեց։ Դրանից հետո կառավարությունը ժողովրդին խոստացավ, որ այլեւս չի վերադառնա այս օրենքին։ Սակայն ուղիղ մեկ տարի անց նույն օրենքը վերսկսվեց այլ անվան տակ։
Ռուսական օրենքի ընդունումը բոլոր միջազգային գործընկերներն ու բարեկամ երկրների ղեկավարները գնահատել են որպես երկրի եվրաինտեգրման սպառնալիք։ Օրենքի ընդունմանը դեմ են արտահայտվել տարբեր ոլորտների ներկայացուցիչներ՝ մարզիկներ, դերասաններ, ռեժիսորներ, գրողներ, ակադեմիական ոլորտի ներկայացուցիչներ, ուսանողներ և այլք։