Հինգշաբթի օրը Միացյալ Նահանգները կրկին քննադատեց քաղաքացիական հասարակությանը սահմանափակող Վրաստանի վիճահարույց օրենքը («Օտարերկրյա գործակալների» օրենքը)՝ այն համարելով ռուսական ավտորիտարիզմի օրինակ, որը վնասել է Արևմուտքի հետ հարաբերությունները։
«Մենք տեսել ենք, որ Կրեմլը և այլ ռեպրեսիվ կառավարությունները օգտագործում են նմանատիպ օրենքներ՝ ճնշելու քաղաքացիական հասարակությանը և լրատվամիջոցներին: Մենք չենք կարծում, որ նման օրենքները համահունչ են թափանցիկության սկզբունքներին»,- ասել է Պետդեպարտամենտի մամուլի քարտուղարի տեղակալ Վեդանտ Պատելը Turan-ի Վաշինգտոնի թղթակցի հարցին ի պատասխան։
«Մենք ավելի քան նախկինում մտահոգված ենք այս օրենքի նախագիծով և առաջին ընթերցմամբ ընդունելով, հատկապես դրա թիրախավորումը քաղաքացիական հասարակությանն ու ԶԼՄ-ներին, որոնք ցանկացած ժողովրդավարական համակարգի հիմնաքարն են։
Մենք ուշադիր հետևում ենք իրավիճակին, հատկապես բողոքի ցույցերին և կոչ ենք անում բոլոր կողմերին հարգել ազատությունն ու խաղաղ հավաքները, զսպվածություն ցուցաբերել, զերծ մնալ էսկալացիայից կամ բռնի գործողություններից և հարգել օրենքի գերակայությունը»,- ասել է Պատելը։
