Բաքվի ֆրանսիական ճեմարանը դադարեցնում է իր գործունեությունը. Այս տեղեկությունը Turan գործակալությանը հաստատել են ուսումնական հաստատությունից։
Հարցին, թե ովքե՞ր են նման որոշում կայացրել, նրանք ասացին՝ «հիմնադիրները», բայց չբացահայտեցին իրենց ինքնությունը։ Ամենայն հավանականությամբ, փակման պատճառը Ադրբեջանի և Ֆրանսիայի միջև լարված հարաբերություններն են։
Նշենք, որ ավագ դպրոցը բացվել է 2013 թվականին մեծ հանդիսությամբ քաղաքի ամենաթանկ «Աղ շահր» թաղամասում։ Այն ստեղծելու որոշումը կայացվել է երկու երկրների ղեկավարների մակարդակով։
Ճեմարանի կառավարման կոմիտեն ներառում է Հեյդար Ալիևի Հիմնադրամը, SOCAR-ը, Ֆրանսիայի դեսպանատունը և Ադրբեջանի գիտության և կրթության նախարարությունը։
Դեռ հայտնի չէ, թե ինչ վիճակում են լինելու ավագ դպրոցի աշակերտները։
