Ադրբեջանցի պետական պաշտոնյաների (41 հոգի) ցուցակին ավելացվել է երեք նոր անուն, որոնց նկատմամբ ԱՄՆ Կոնգրեսը մտադիր է պատժամիջոցներ կիրառել։
Անցյալ շաբաթ մի խումբ կոնգրեսականներ Դինա Տիտուսի գլխավորությամբ Ներկայացուցիչների պալատ են ներկայացրել օրինագիծ (HR8141), որը թույլ կտա պատժել Ադրբեջանի բարձրաստիճան պաշտոնյաներին մարդու իրավունքների խախտման և ռազմական գործողությունների համար, հաղորդում է Turan-ի Վաշինգտոնի թղթակիցը:
Այս օրինագիծը շարունակում է աջակցություն հավաքել Կոնգրեսի անդամների շրջանում։ Ներկայումս համահեղինակների թիվը 21-ից հասել է 27 կոնգրեսականի։ Օրինագծին միացած վերջին կողմնակիցների թվում են կոնգրեսականներ Դեն Գոլդմանը, Միշել Սթիլը և Մայք Քուիգլին:
Ավելի վաղ Turan-ը հայտնել էր, որ օրենքի վերջին տարբերակը պարունակում է 44 ադրբեջանցի պաշտոնյաներից բաղկացած ցուցակ. Կոնգրեսին ներկայացված տարբերակում նշված երեք նոր պաշտոնյաներն են.
— Ադրբեջանի զինված ուժերի գլխավոր շտաբի պետ Քարիմ Վալիև;
— Նեմետ Ավազով, Գլխավոր դատախազության քննչական վարչության պետ.
— Ազեր Թաղիև, Բաքվի Նասիմի շրջանային դատարանի դատավոր.
Նախորդ շաբաթ ներկայացվելուց հետո օրինագիծն ուղարկվել է Կոնգրեսի Ներկայացուցիչների պալատի արտաքին հարաբերությունների հանձնաժողով և դատական հանձնաժողով, սակայն հետագա քայլեր դեռ չեն ձեռնարկվել։
Եթե օրինագիծն ընդունվի, Կոնգրեսը Բայդենի վարչակազմից կպահանջի պատժամիջոցներ կիրառել Ադրբեջանի պաշտոնյաների նկատմամբ՝ Մագնիտսկու ակտի համաձայն՝ Ադրբեջանում քաղաքական ընդդիմության դաժան ճնշումների և անցյալ տարի Ղարաբաղում ռազմական գործողությունների համար: