Ադրբեջանում Մեծ Բրիտանիայի դեսպան Ֆերգուս Օլդն իր մտահոգությունն է հայտնել Անար Մամեդլիի ձերբակալության կապակցությամբ։
«Մենք անհանգստացած ենք Ադրբեջանում քաղաքացիական հասարակության ակտիվիստների, այդ թվում՝ Անար Մամեդլիի ձերբակալությամբ։ Մենք կոչ ենք անում Ադրբեջանին կատարել իր միջազգային պարտավորությունները՝ կապված մարդու իրավունքների պաշտպանության հետ։ Մեր աջակցությունը քաղաքացիական հասարակությանը բրիտանա-ադրբեջանական հարաբերությունների հիմնական հենասյունն է»,- գրել է դեսպանը X սոցիալական հարթակում։
