Կոնգրեսական-դեմոկրատ Հենրի Կուելարին և նրա կնոջը՝ Իմելդային, մեղադրել են Ադրբեջանի պետական էներգետիկ ընկերությունից մոտ 600 հազար դոլար կաշառք ստանալու մեջ, հաղորդում է New York Tomes-ը։
Կուելարը կաշառք է ստացել 2014-2021թթ. Գումարն օրինականացվել է կոնգրեսականի կնոջ կեղծ ընկերությունների միջոցով։
«Ադրբեջանի նավթագազային ընկերության վճարած կաշառքի դիմաց կոնգրեսական Կուելարն իբր համաձայնել է ազդել ԱՄՆ-ի արտաքին քաղաքականության վրա՝ հօգուտ Ադրբեջանի»,- կարծում է ամերիկյան արդարադատության նախարարությունը։
2022 թվականի հունվարին խուզարկվել է կոնգրեսականի տունը և նախընտրական շտաբը, այն ժամանակ Կուելարը ղեկավարում էր ԱՄՆ Կոնգրեսի Ադրբեջանի խմբակցությունը։ Այս պաշտոնում գտնվելու ժամանակ նա և մի քանի այլ կոնգրեսականներ նամակ են ստորագրել կոնգրեսին՝ կոչ անելով մարդասիրական օգնություն տրամադրել փախստականներին՝ կապված Ադրբեջանի և Հայաստանի միջև պատերազմի հետ: Բացի այդ, մեղադրական եզրակացության մեջ նշվում է ԱՄՆ-ի կողմից Ադրբեջանի ֆինանսավորմանը Կուելարի աջակցությունը և նրա ադրբեջանամետ ելույթը Ներկայացուցիչների պալատում։
Կոնգրեսականն ասաց, որ ինքը անմեղ է. «Ուզում եմ հայտարարել, որ ոչ իմ ամուսինը, ոչ էլ ես մեղավոր չենք նրանում, ինչում մեզ մեղադրում են։ Կոնգրեսում իմ աշխատանքը կենտրոնացած է բացառապես Հարավային Տեխասի բնակիչներին ծառայելու վրա»,- ասել է նա։
Կուելարին և նրա կնոջը մեղադրանք է առաջադրվել 14 հոդվածներով, որոնցից ոմանք մինչև 20 տարվա ազատազրկման են ենթարկվում:
