Ադրբեջանի պաշտպանության նախարար Զաքիր Հասանովը հանդիպել է Թուրքիայի զինված ուժերի ցամաքային զորքերի հրամանատար Սելչուք Բայրաքթարօղլուի գլխավորած պատվիրակությանը։
Ինչպես հայտնում է ՊՆ մամուլի ծառայությունը, հանդիպմանը քննարկվել են ռազմական, ռազմատեխնիկական ոլորտներում համագործակցության զարգացման հեռանկարները և տարածաշրջանային անվտանգության հարցեր։
Թուրքական պատվիրակությունը հանդիպել է նաև Ադրբեջանի բանակի գլխավոր շտաբի պետ Քարիմ Վալիևի և պաշտպանության նախարարի խորհրդական Բախտիյար Էրսայի հետ։
Բացի այդ, թուրք զինվորականները հանդիպել են Ադրբեջանի պաշտպանության փոխնախարար, ցամաքային զորքերի հրամանատար Հիքմեթ Միրզաևի հետ։
Հանդիպմանը ընդգծվել է համատեղ զորավարժությունների անցկացման կարևորությունը երկու երկրների զինվորականների պրոֆեսիոնալիզմի բարձրացման, միաժամանակ փոխադարձ փորձի փոխանակման նպատակով, ինչպես նաև հանգամանալից մտքեր են փոխանակվել մի շարք այլ հարցերի շուրջ։
